LIVE 24 X 7
தமிழக வெற்றிக் கழகத் தலைவர் விஜய்யுடன் காங்கிரஸ் கட்சியின் முக்கிய வியூக வகுப்பாளரான பிரவீன் சக்கரவர்த்தி ரகசியமாகச் சந்தித்துப் பேசியதாக வெளியான தகவல்களுக்கு, தமிழக காங்கிரஸ் கமிட்டித் தலைவர் செல்வப்பெருந்தகை பதிலளித்துள்ளார். இந்தச் சந்திப்பு குறித்துத் தனக்குத் தெரியாது என்றும், இதுகுறித்துத் தலைமை முடிவு செய்யும் என்றும் அவர் தெரிவித்துள்ளார்.
சந்திப்பு குறித்த தகவல் பின்னணி
தமிழகத்தில் இன்னும் சில மாதங்களில் சட்டப்பேரவைத் தேர்தல் நடைபெறவுள்ளதையடுத்து, கூட்டணிப் பேச்சுவார்த்தை, தொகுதிப் பங்கீடு என கட்சிகள் தீவிர தேர்தல் பணிகளில் ஈடுபட்டுள்ளன. இந்நிலையில் காங்கிரஸ் கட்சியின் தரவு பகுப்பாய்வுத் துறையின் தலைவரும், காங்கிரஸ் தலைவர் ராகுல் காந்திக்கு நெருக்கமானவருமான பிரவீன் சக்கரவர்த்தி, சென்னை பனையூரில் உள்ள தவெக அலுவலகத்தில் விஜய்யை நேற்று (டிசம்பர் 5) நேரில் சந்தித்துப் பேசியதாகத் தகவல்கள் வெளியாகின.
காங்கிரஸ் கட்சி தமிழகத்தில் திமுக கூட்டணியில் இருந்தாலும், காங்கிரஸ் கட்சியின் ஒரு பிரிவினர் தவெகவுடன் கூட்டணி வைக்க விரும்புவதாகக் கூறப்படுகிறது. முன்னதாக, கரூர் சம்பவத்தின்போது விஜய்யிடம் ராகுல் காந்தியும் தொலைபேசியில் தொடர்புகொண்டு பேசியது குறிப்பிடத்தக்கது.
செல்வப்பெருந்தகையின் பதில் மற்றும் கூட்டணி நிலைப்பாடு
இந்தச் சந்திப்பு குறித்துச் செய்தியாளர்கள் எழுப்பிய கேள்விக்குப் பதிலளித்த தமிழக காங்கிரஸ் கமிட்டித் தலைவர் செல்வப்பெருந்தகை, விஜய்யுடன் பிரவீன் சக்கரவர்த்தியின் சந்திப்பு பற்றித் தனக்குத் தெரியாது என்று கூறினார். மேலும், விஜய்யைச் சந்திக்கப் பிரவீன் சக்கரவர்த்திக்கு அனுமதி தரவில்லை, பேசவும் சொல்லவில்லை என்றும் அவர் திட்டவட்டமாகத் தெரிவித்தார்.
"திமுகவுடன் பேச்சுவார்த்தை நடத்த ஐவர் குழு நியமிக்கப்பட்டுள்ளது. நாங்கள் அவர்களுடன் பேசி வருகிறோம். எங்களுடைய தலைமை என்ன சொல்கிறதோ அதைதான் செய்கிறோம்" என்று அவர் குறிப்பிட்டார். பிரவீன் சக்கரவர்த்தி, விஜய்யைச் சென்று சந்தித்ததற்கு ஏதேனும் புகைப்படங்கள் இருக்கிறதா என்றும், அப்படி அவர் சந்தித்திருந்தால், மேலிடமே அதுகுறித்து முடிவு செய்யும் என்றும் அவர் கூறினார். மேலும், "இந்தியா கூட்டணி பலமாக உள்ளது; கூட்டணியை உடைக்க முடியாது" என்றும், விஜய் - பிரவீன் சக்கரவர்த்தி சந்திப்பு குறித்து மேலிடத்திடம் பேச உள்ளதாகவும் செல்வப்பெருந்தகை தெரிவித்தார்.
சந்திப்பு குறித்த தகவல் பின்னணி
தமிழகத்தில் இன்னும் சில மாதங்களில் சட்டப்பேரவைத் தேர்தல் நடைபெறவுள்ளதையடுத்து, கூட்டணிப் பேச்சுவார்த்தை, தொகுதிப் பங்கீடு என கட்சிகள் தீவிர தேர்தல் பணிகளில் ஈடுபட்டுள்ளன. இந்நிலையில் காங்கிரஸ் கட்சியின் தரவு பகுப்பாய்வுத் துறையின் தலைவரும், காங்கிரஸ் தலைவர் ராகுல் காந்திக்கு நெருக்கமானவருமான பிரவீன் சக்கரவர்த்தி, சென்னை பனையூரில் உள்ள தவெக அலுவலகத்தில் விஜய்யை நேற்று (டிசம்பர் 5) நேரில் சந்தித்துப் பேசியதாகத் தகவல்கள் வெளியாகின.
காங்கிரஸ் கட்சி தமிழகத்தில் திமுக கூட்டணியில் இருந்தாலும், காங்கிரஸ் கட்சியின் ஒரு பிரிவினர் தவெகவுடன் கூட்டணி வைக்க விரும்புவதாகக் கூறப்படுகிறது. முன்னதாக, கரூர் சம்பவத்தின்போது விஜய்யிடம் ராகுல் காந்தியும் தொலைபேசியில் தொடர்புகொண்டு பேசியது குறிப்பிடத்தக்கது.
செல்வப்பெருந்தகையின் பதில் மற்றும் கூட்டணி நிலைப்பாடு
இந்தச் சந்திப்பு குறித்துச் செய்தியாளர்கள் எழுப்பிய கேள்விக்குப் பதிலளித்த தமிழக காங்கிரஸ் கமிட்டித் தலைவர் செல்வப்பெருந்தகை, விஜய்யுடன் பிரவீன் சக்கரவர்த்தியின் சந்திப்பு பற்றித் தனக்குத் தெரியாது என்று கூறினார். மேலும், விஜய்யைச் சந்திக்கப் பிரவீன் சக்கரவர்த்திக்கு அனுமதி தரவில்லை, பேசவும் சொல்லவில்லை என்றும் அவர் திட்டவட்டமாகத் தெரிவித்தார்.
"திமுகவுடன் பேச்சுவார்த்தை நடத்த ஐவர் குழு நியமிக்கப்பட்டுள்ளது. நாங்கள் அவர்களுடன் பேசி வருகிறோம். எங்களுடைய தலைமை என்ன சொல்கிறதோ அதைதான் செய்கிறோம்" என்று அவர் குறிப்பிட்டார். பிரவீன் சக்கரவர்த்தி, விஜய்யைச் சென்று சந்தித்ததற்கு ஏதேனும் புகைப்படங்கள் இருக்கிறதா என்றும், அப்படி அவர் சந்தித்திருந்தால், மேலிடமே அதுகுறித்து முடிவு செய்யும் என்றும் அவர் கூறினார். மேலும், "இந்தியா கூட்டணி பலமாக உள்ளது; கூட்டணியை உடைக்க முடியாது" என்றும், விஜய் - பிரவீன் சக்கரவர்த்தி சந்திப்பு குறித்து மேலிடத்திடம் பேச உள்ளதாகவும் செல்வப்பெருந்தகை தெரிவித்தார்.
