LIVE 24 X 7
கால்பந்து உலகின் ஜாம்பவானும், அர்ஜென்டினா அணியின் நட்சத்திர வீரருமான லியோனல் மெஸ்ஸி, சர்வதேச கால்பந்து போட்டிகளில் இருந்து ஓய்வு பெறுவதாக அதிகாரப்பூர்வமாக அறிவித்துள்ளார். நீண்ட யோசனைக்குப் பிறகு இந்த முடிவை எடுத்துள்ளதாக தனது இன்ஸ்டாகிராம் பதிவில் மெஸ்ஸி தெரிவித்துள்ளார்.
“இறுதிப் போட்டி முடிந்து இவ்வளவு காலம் ஆன நிலையில், நீண்ட யோசனைக்குப் பிறகு, தேசிய அணிக்காக விளையாடுவதிலிருந்து ஓய்வு பெற முடிவு செய்துள்ளேன் என்பதை அனைவருக்கும் அறிவிக்க விரும்புகிறேன். இது ஒரு வேதனையான முடிவு. எனது ஆன்மாவின் ஆழம் வரை மிகுந்த வலியை ஏற்படுத்துகிறது. ஆனால், அதற்கான நேரம் வந்துவிட்டது என்பதை உணர்கிறேன்” என மெஸ்ஸி குறிப்பிட்டுள்ளார்.
அர்ஜென்டினா அணிக்காக கடந்த 20 ஆண்டுகளாக விளையாடியதை நினைவுகூர்ந்த மெஸ்ஸி, தேசிய அணிக்காக எப்போதும் தனது முழு திறனையும் அர்ப்பணித்ததாக தெரிவித்துள்ளார். “இந்தச் சீருடைக்காகவும், கால்பந்தின் மூலம் உங்களை மகிழ்ச்சியாகவும், அர்ஜென்டினா அணியைச் சேர்ந்தவராக இருப்பதில் பெருமையாகவும் உணர வைப்பதற்காகவும் நான் எப்போதும் போராடி, என்னிடம் இருந்த அனைத்தையும் கொடுத்தேன்” என அவர் கூறியுள்ளார்.
தேசிய அணிக்காக 207 போட்டிகளில் விளையாடியுள்ள மெஸ்ஸி, 125 கோல்களை அடித்துள்ளார். இதன் மூலம் அர்ஜென்டினா அணிக்காக அதிக சர்வதேச போட்டிகளில் விளையாடிய வீரர் மற்றும் அதிக கோல்கள் அடித்த வீரர் என்ற சாதனையை அவர் தன்வசம் வைத்துள்ளார்.
2026-ம் ஆண்டு ஜூலை மாதம் நடைபெற்ற ஃபிஃபா உலகக் கோப்பை இறுதிப் போட்டியில் ஸ்பெயின் அணியை எதிர்கொண்ட அர்ஜென்டினா 1-0 என்ற கோல் கணக்கில் தோல்வியடைந்தது. இதுவே மெஸ்ஸியின் கடைசி சர்வதேச போட்டியாக அமைந்துள்ளது. உலகக் கோப்பை இறுதிப் போட்டிக்குப் பின்னர் அவர் ஓய்வை அறிவிப்பார் என ஏற்கனவே தகவல்கள் வெளியாகியிருந்தன.
சமீபத்தில் மெஸ்ஸி தனது சமூக வலைதளப் பக்கத்தில் 2006-ம் ஆண்டு முதல் தற்போதுவரை அர்ஜென்டினா அணிக்காக விளையாடிய காலகட்டத்தின் புகைப்படங்களை பகிர்ந்திருந்தார். இதனால் அவர் சர்வதேச கால்பந்தில் இருந்து விடைபெற உள்ளதாக ரசிகர்கள் மத்தியில் அப்போதே எதிர்பார்ப்பு ஏற்பட்டது.
தனது ஓய்வு முடிவு குறித்து தொடர்ந்து பேசிய மெஸ்ஸி, “காலம் குறைந்து வருகிறது, அத்தியாயங்கள் முடிவுக்கு வருகின்றன. இது என்னை மிகவும் காயப்படுத்தும் ஒரு அத்தியாயம். தேசிய அணியில் ஒரு அங்கமாக இருப்பதை நான் நேசித்தேன், எப்போதும் நேசிப்பேன்” என தெரிவித்துள்ளார்.
மேலும், தன்னிடம் இருந்த அனைத்தையும் கொடுத்துவிட்டதாகவும், இனி கொடுப்பதற்கு எதுவும் மீதமில்லை என்றும் குறிப்பிட்ட அவர், தேசிய அணியில் இடம்பிடிக்கத் தகுதியான சிறந்த இளம் வீரர்கள் உருவாகி வருவதாகவும் தெரிவித்துள்ளார்.
தனது குடும்பத்தினர், பயிற்சியாளர்கள், சக வீரர்கள் மற்றும் நிர்வாகிகளுக்கும் நன்றி தெரிவித்துள்ள மெஸ்ஸி, “கடந்த 20 ஆண்டுகளாக நீங்கள் காட்டிய அனைத்து அன்புக்கும் நன்றி. மைதானத்தில் இருந்து உங்கள் குரலைக் கேட்பதை மிகவும் மிஸ் செய்வேன். இனி நான் உங்களில் ஒருவனாக, வெளியிலிருந்து உங்களை உற்சாகப்படுத்தி ஆதரவளிப்பேன்” என உருக்கமாக தெரிவித்துள்ளார்.
தனது தந்தைக்கு ஏற்பட்ட சம்பவத்திற்குப் பிறகு, இந்த முடிவில் முன்பைவிட உறுதியாக இருப்பதாகவும் மெஸ்ஸி குறிப்பிட்டுள்ளார். இறுதிப் போட்டிக்கு இரண்டு நாட்களுக்குப் பிறகு, ஜூலை 21-ம் தேதி இந்த வார்த்தைகளை எழுதியதாகவும் அவர் தெரிவித்துள்ளார்.
அர்ஜென்டினா அணிக்காக பல ஆண்டுகள் விளையாடி, உலகக் கோப்பை உள்ளிட்ட முக்கிய பட்டங்களை வென்ற மெஸ்ஸியின் சர்வதேச கால்பந்து பயணம் தற்போது அதிகாரப்பூர்வமாக முடிவுக்கு வந்துள்ளது. அவரது ஓய்வு அறிவிப்பு உலகம் முழுவதும் உள்ள கால்பந்து ரசிகர்களிடையே பெரும் சோகத்தை ஏற்படுத்தியுள்ளது.
“இறுதிப் போட்டி முடிந்து இவ்வளவு காலம் ஆன நிலையில், நீண்ட யோசனைக்குப் பிறகு, தேசிய அணிக்காக விளையாடுவதிலிருந்து ஓய்வு பெற முடிவு செய்துள்ளேன் என்பதை அனைவருக்கும் அறிவிக்க விரும்புகிறேன். இது ஒரு வேதனையான முடிவு. எனது ஆன்மாவின் ஆழம் வரை மிகுந்த வலியை ஏற்படுத்துகிறது. ஆனால், அதற்கான நேரம் வந்துவிட்டது என்பதை உணர்கிறேன்” என மெஸ்ஸி குறிப்பிட்டுள்ளார்.
அர்ஜென்டினா அணிக்காக கடந்த 20 ஆண்டுகளாக விளையாடியதை நினைவுகூர்ந்த மெஸ்ஸி, தேசிய அணிக்காக எப்போதும் தனது முழு திறனையும் அர்ப்பணித்ததாக தெரிவித்துள்ளார். “இந்தச் சீருடைக்காகவும், கால்பந்தின் மூலம் உங்களை மகிழ்ச்சியாகவும், அர்ஜென்டினா அணியைச் சேர்ந்தவராக இருப்பதில் பெருமையாகவும் உணர வைப்பதற்காகவும் நான் எப்போதும் போராடி, என்னிடம் இருந்த அனைத்தையும் கொடுத்தேன்” என அவர் கூறியுள்ளார்.
தேசிய அணிக்காக 207 போட்டிகளில் விளையாடியுள்ள மெஸ்ஸி, 125 கோல்களை அடித்துள்ளார். இதன் மூலம் அர்ஜென்டினா அணிக்காக அதிக சர்வதேச போட்டிகளில் விளையாடிய வீரர் மற்றும் அதிக கோல்கள் அடித்த வீரர் என்ற சாதனையை அவர் தன்வசம் வைத்துள்ளார்.
2026-ம் ஆண்டு ஜூலை மாதம் நடைபெற்ற ஃபிஃபா உலகக் கோப்பை இறுதிப் போட்டியில் ஸ்பெயின் அணியை எதிர்கொண்ட அர்ஜென்டினா 1-0 என்ற கோல் கணக்கில் தோல்வியடைந்தது. இதுவே மெஸ்ஸியின் கடைசி சர்வதேச போட்டியாக அமைந்துள்ளது. உலகக் கோப்பை இறுதிப் போட்டிக்குப் பின்னர் அவர் ஓய்வை அறிவிப்பார் என ஏற்கனவே தகவல்கள் வெளியாகியிருந்தன.
சமீபத்தில் மெஸ்ஸி தனது சமூக வலைதளப் பக்கத்தில் 2006-ம் ஆண்டு முதல் தற்போதுவரை அர்ஜென்டினா அணிக்காக விளையாடிய காலகட்டத்தின் புகைப்படங்களை பகிர்ந்திருந்தார். இதனால் அவர் சர்வதேச கால்பந்தில் இருந்து விடைபெற உள்ளதாக ரசிகர்கள் மத்தியில் அப்போதே எதிர்பார்ப்பு ஏற்பட்டது.
தனது ஓய்வு முடிவு குறித்து தொடர்ந்து பேசிய மெஸ்ஸி, “காலம் குறைந்து வருகிறது, அத்தியாயங்கள் முடிவுக்கு வருகின்றன. இது என்னை மிகவும் காயப்படுத்தும் ஒரு அத்தியாயம். தேசிய அணியில் ஒரு அங்கமாக இருப்பதை நான் நேசித்தேன், எப்போதும் நேசிப்பேன்” என தெரிவித்துள்ளார்.
மேலும், தன்னிடம் இருந்த அனைத்தையும் கொடுத்துவிட்டதாகவும், இனி கொடுப்பதற்கு எதுவும் மீதமில்லை என்றும் குறிப்பிட்ட அவர், தேசிய அணியில் இடம்பிடிக்கத் தகுதியான சிறந்த இளம் வீரர்கள் உருவாகி வருவதாகவும் தெரிவித்துள்ளார்.
தனது குடும்பத்தினர், பயிற்சியாளர்கள், சக வீரர்கள் மற்றும் நிர்வாகிகளுக்கும் நன்றி தெரிவித்துள்ள மெஸ்ஸி, “கடந்த 20 ஆண்டுகளாக நீங்கள் காட்டிய அனைத்து அன்புக்கும் நன்றி. மைதானத்தில் இருந்து உங்கள் குரலைக் கேட்பதை மிகவும் மிஸ் செய்வேன். இனி நான் உங்களில் ஒருவனாக, வெளியிலிருந்து உங்களை உற்சாகப்படுத்தி ஆதரவளிப்பேன்” என உருக்கமாக தெரிவித்துள்ளார்.
தனது தந்தைக்கு ஏற்பட்ட சம்பவத்திற்குப் பிறகு, இந்த முடிவில் முன்பைவிட உறுதியாக இருப்பதாகவும் மெஸ்ஸி குறிப்பிட்டுள்ளார். இறுதிப் போட்டிக்கு இரண்டு நாட்களுக்குப் பிறகு, ஜூலை 21-ம் தேதி இந்த வார்த்தைகளை எழுதியதாகவும் அவர் தெரிவித்துள்ளார்.
அர்ஜென்டினா அணிக்காக பல ஆண்டுகள் விளையாடி, உலகக் கோப்பை உள்ளிட்ட முக்கிய பட்டங்களை வென்ற மெஸ்ஸியின் சர்வதேச கால்பந்து பயணம் தற்போது அதிகாரப்பூர்வமாக முடிவுக்கு வந்துள்ளது. அவரது ஓய்வு அறிவிப்பு உலகம் முழுவதும் உள்ள கால்பந்து ரசிகர்களிடையே பெரும் சோகத்தை ஏற்படுத்தியுள்ளது.
