LIVE 24 X 7
இந்திய கம்யூனிஸ்ட் கட்சியின் மூத்த தலைவரும், தமிழக மக்களின் மதிப்பிற்குரிய ஆளுமையுமான இரா. நல்லகண்ணு, உடல்நலக் குறைவு காரணமாக சென்னையில் உள்ள ராஜீவ்காந்தி அரசு பொது மருத்துவமனையில் இன்று பிற்பகல் 1.55 மணியளவில் காலமானார். அவரது மறைவு தமிழக அரசியல் களத்தில் ஈடுசெய்ய முடியாத இழப்பை ஏற்படுத்தியுள்ளது.
மருத்துவமனை அறிக்கை
ரத்த அழுத்தம் மற்றும் சிறுநீரகக் கோளாறு காரணமாக கடந்த பிப்ரவரி 1-ஆம் தேதி மருத்துவமனையில் அனுமதிக்கப்பட்ட அவருக்கு, பல்துறை மருத்துவக் குழுவினர் கடந்த 24 நாட்களாகத் தீவிர சிகிச்சை அளித்து வந்தனர். வென்டிலேட்டர் உதவியுடன் செயற்கை சுவாசம் வழங்கப்பட்டு வந்த நிலையில், இன்று அதிகாலை முதல் அவரது உடல்நிலை மருந்துகளை ஏற்கும் தன்மையை இழந்தது. முக்கிய உடலுறுப்புகள் அனைத்தும் செயலிழந்ததைத் தொடர்ந்து, அவரது உயிர் பிரிந்ததாக மருத்துவமனை நிர்வாகம் அதிகாரப்பூர்வமாக அறிவித்துள்ளது.
விடுதலைப் போராட்டமும் அரசியல் வாழ்வும்
தூத்துக்குடி மாவட்டம் ஸ்ரீவைகுண்டம் அருகே உள்ள பெரும்பத்து கிராமத்தில் 1925-இல் பிறந்த நல்லகண்ணு, பள்ளிப் பருவத்திலேயே நாட்டுப் பற்றால் ஈர்க்கப்பட்டவர். தனது 18-ஆவது வயதில் இந்திய கம்யூனிஸ்ட் கட்சியில் இணைந்த அவர், நெல்லை சதி வழக்கில் 27-ஆவது வயதில் கைது செய்யப்பட்டு கடும் சித்ரவதைகளை அனுபவித்தார். அவர் சிறையிலிருந்து விடுதலையானபோது நாடு சுதந்திரம் அடைந்திருந்தது ஒரு வரலாற்றுத் தற்செயல் நிகழ்வாகும்.
மக்களுக்காக அர்ப்பணிக்கப்பட்ட வாழ்க்கை
இந்திய கம்யூனிஸ்ட் கட்சியின் மாநிலச் செயலாளராக 13 ஆண்டுகள் பதவி வகித்தவர் நல்லகண்ணு. விவசாயத் தொழிலாளர் சங்கத் தலைவராகவும் இருந்து விவசாயிகளின் உரிமைகளுக்காகத் தொடர்ந்து குரல் கொடுத்தார். தீண்டாமைக்கு எதிரான போராட்டங்கள், கனிமவளக் கொள்ளைக்கு எதிரான சட்டப் போராட்டங்கள் எனத் தனது வாழ்நாளின் பெரும் பகுதியை மக்களுக்கான போராட்டங்களிலும் சிறைச்சாலையிலுமே கழித்தவர். தியாகத்திற்கும் எளிமைக்கும் இலக்கணமாகத் திகழ்ந்த அவரது மறைவுக்குப் பல்வேறு அரசியல் கட்சித் தலைவர்களும் பொதுமக்களும் அஞ்சலி செலுத்தி வருகின்றனர்.
மருத்துவமனை அறிக்கை
ரத்த அழுத்தம் மற்றும் சிறுநீரகக் கோளாறு காரணமாக கடந்த பிப்ரவரி 1-ஆம் தேதி மருத்துவமனையில் அனுமதிக்கப்பட்ட அவருக்கு, பல்துறை மருத்துவக் குழுவினர் கடந்த 24 நாட்களாகத் தீவிர சிகிச்சை அளித்து வந்தனர். வென்டிலேட்டர் உதவியுடன் செயற்கை சுவாசம் வழங்கப்பட்டு வந்த நிலையில், இன்று அதிகாலை முதல் அவரது உடல்நிலை மருந்துகளை ஏற்கும் தன்மையை இழந்தது. முக்கிய உடலுறுப்புகள் அனைத்தும் செயலிழந்ததைத் தொடர்ந்து, அவரது உயிர் பிரிந்ததாக மருத்துவமனை நிர்வாகம் அதிகாரப்பூர்வமாக அறிவித்துள்ளது.
விடுதலைப் போராட்டமும் அரசியல் வாழ்வும்
தூத்துக்குடி மாவட்டம் ஸ்ரீவைகுண்டம் அருகே உள்ள பெரும்பத்து கிராமத்தில் 1925-இல் பிறந்த நல்லகண்ணு, பள்ளிப் பருவத்திலேயே நாட்டுப் பற்றால் ஈர்க்கப்பட்டவர். தனது 18-ஆவது வயதில் இந்திய கம்யூனிஸ்ட் கட்சியில் இணைந்த அவர், நெல்லை சதி வழக்கில் 27-ஆவது வயதில் கைது செய்யப்பட்டு கடும் சித்ரவதைகளை அனுபவித்தார். அவர் சிறையிலிருந்து விடுதலையானபோது நாடு சுதந்திரம் அடைந்திருந்தது ஒரு வரலாற்றுத் தற்செயல் நிகழ்வாகும்.
மக்களுக்காக அர்ப்பணிக்கப்பட்ட வாழ்க்கை
இந்திய கம்யூனிஸ்ட் கட்சியின் மாநிலச் செயலாளராக 13 ஆண்டுகள் பதவி வகித்தவர் நல்லகண்ணு. விவசாயத் தொழிலாளர் சங்கத் தலைவராகவும் இருந்து விவசாயிகளின் உரிமைகளுக்காகத் தொடர்ந்து குரல் கொடுத்தார். தீண்டாமைக்கு எதிரான போராட்டங்கள், கனிமவளக் கொள்ளைக்கு எதிரான சட்டப் போராட்டங்கள் எனத் தனது வாழ்நாளின் பெரும் பகுதியை மக்களுக்கான போராட்டங்களிலும் சிறைச்சாலையிலுமே கழித்தவர். தியாகத்திற்கும் எளிமைக்கும் இலக்கணமாகத் திகழ்ந்த அவரது மறைவுக்குப் பல்வேறு அரசியல் கட்சித் தலைவர்களும் பொதுமக்களும் அஞ்சலி செலுத்தி வருகின்றனர்.
