LIVE 24 X 7
இசையமைப்பாளர் சபேஷ், தேவாவுக்கு தேசிய விருது கிடைக்காதது குறித்து ஆதங்கம் தெரிவித்துள்ளார். மூத்த இசையமைப்பாளர் தேவாவுக்கு 'காதல் கோட்டை' படத்துக்கே தேசிய விருது கிடைத்திருக்க வேண்டும் என அவர் கூறியுள்ளார். அதேசமயம், தேவா மகன் ஸ்ரீகாந்த் தேவா, 'கருவறை' என்ற குறும்படத்துக்காகத் தேசிய விருது பெற்றதில் மகிழ்ச்சி அடைவதாகவும் அவர் தெரிவித்துள்ளார்.
2021-ஆம் ஆண்டுக்கான 69-ஆவது தேசிய திரைப்பட விருதுகள் வழங்கும் விழாவில், இ.வி.கணேஷ்பாபு இயக்கிய 'கருவறை' குறும்படத்துக்கு இசையமைத்ததற்காக, ஸ்ரீகாந்த் தேவா சிறப்புப் பிரிவில் தேசிய விருது பெற்றார் என்பது குறிப்பிடத்தக்கது.
‘பேய் கதை’ திரைப்படத்தின் இசை வெளியீட்டு விழா
சமீபத்தில் அறிமுக நடிகர் வினோத் நடித்துள்ள `பேய் கதை` திரைப்படத்தின் இசை மற்றும் முன்னோட்டம் சென்னையில் வெளியிடப்பட்டது. இந்த நிகழ்வில் இசையமைப்பாளர்களான சபேஷ் - முரளி சிறப்பு விருந்தினர்களாகக் கலந்துகொண்டு அவற்றை வெளியிட்டனர்.
`ஜெர்ரி'ஸ் ஜர்னி இண்டர்நேஷனல் புரொடக்ஷன் ஹவுஸ்` தயாரிப்பில், ஜுன் மோசஸ் இயக்கத்தில் உருவாகியுள்ள இந்தத் திரைப்படம் ஒரு த்ரில்லர்-காமெடி. இந்தப் படத்தை ஸ்ரீ தேனாண்டாள் பிலிம்ஸ் சுரேஷ் தமிழகம் முழுவதும் வெளியிடுகிறார். ஆகஸ்ட் 29 அன்று வெளியாகவுள்ள இந்தத் திரைப்படத்தின் வெளியீட்டு விழாவில், படக்குழுவினர் பல சுவாரசியமான தகவல்களைப் பகிர்ந்து கொண்டனர்.
படத்தின் சிறப்பம்சங்கள்
இயக்குநர் ஜுன் மோசஸ்:
``இது மற்ற திகில் படங்களில் இருப்பதுபோல ரத்தம், வன்முறை போன்ற காட்சிகள் இல்லாமல், குழந்தைகள் கூடக் குடும்பத்துடன் சேர்ந்து ரசிக்கும்படியான குதூகலமான த்ரில்லர் படமாக இருக்கும்'' என்று கூறினார். மேலும், படத்தில் 8 நிமிடங்களுக்கு V.R. மோஷன் தொழில்நுட்பம் பயன்படுத்தப்பட்டுள்ளது. இது ரசிகர்களைக் கவரும் என்றும், புதுமையான திரைக்கதை, கதை சொல்லும் விதம் மற்றும் தொழில்நுட்பம் ஆகியவற்றில் புதிய முயற்சிகள் மேற்கொள்ளப்பட்டிருப்பதாகவும் அவர் தெரிவித்தார்.
நடிகர் வினோத்:
தான் ஒரு தனியார் நிறுவன ஊழியராக 22 ஆண்டுகள் பணியாற்றியதாகவும், ஆனால் சினிமாவில் ஒரே ஆண்டில் பல விஷயங்களைக் கற்றுக்கொண்டதாகவும் கூறினார். இசையமைப்பாளர்களான சபேஷ்-முரளி `வாலி` படத்துக்கு இசையமைத்ததிலிருந்து தனக்குப் பிடித்தவர்கள் என்றும், அவர்கள் இந்த நிகழ்ச்சிக்கு வந்தது மிகுந்த மகிழ்ச்சி அளிப்பதாகவும் அவர் கூறினார்.
சபேஷ்-முரளியின் பாராட்டு:
`பேய் கதை` படத்தின் முன்னோட்டத்தைப் பார்த்தபோது ஒரு புதிய முயற்சி தெரிகிறது என்று குறிப்பிட்ட இசையமைப்பாளர் சபேஷ், போபோ சசியின் பாடல்களில் மெலடி கலந்திருப்பதால் அவை நிச்சயம் பெரிய வெற்றியைப் பெறும் என்று நம்பிக்கை தெரிவித்தார். அதேபோல், இசையமைப்பாளர் முரளி, `பேய் கதை` திரைப்படம் ஹாலிவுட் தரத்தில் இருப்பதாகவும், அதன் இசையும் ஒளிப்பதிவும் சிறப்பாக உள்ளதாகவும் பாராட்டினார்.
நடிகை எலிசபெத் மற்றும் நடிகை ஜீ.வி.மகா ஆகியோரும் இந்த நிகழ்ச்சியில் கலந்துகொண்டு, இது ஒரு நல்ல குடும்ப பொழுதுபோக்குத் திரைப்படம் என்றும், அனைவரும் ஆதரவு தர வேண்டும் என்றும் கேட்டுக்கொண்டனர்.
2021-ஆம் ஆண்டுக்கான 69-ஆவது தேசிய திரைப்பட விருதுகள் வழங்கும் விழாவில், இ.வி.கணேஷ்பாபு இயக்கிய 'கருவறை' குறும்படத்துக்கு இசையமைத்ததற்காக, ஸ்ரீகாந்த் தேவா சிறப்புப் பிரிவில் தேசிய விருது பெற்றார் என்பது குறிப்பிடத்தக்கது.
‘பேய் கதை’ திரைப்படத்தின் இசை வெளியீட்டு விழா
சமீபத்தில் அறிமுக நடிகர் வினோத் நடித்துள்ள `பேய் கதை` திரைப்படத்தின் இசை மற்றும் முன்னோட்டம் சென்னையில் வெளியிடப்பட்டது. இந்த நிகழ்வில் இசையமைப்பாளர்களான சபேஷ் - முரளி சிறப்பு விருந்தினர்களாகக் கலந்துகொண்டு அவற்றை வெளியிட்டனர்.
`ஜெர்ரி'ஸ் ஜர்னி இண்டர்நேஷனல் புரொடக்ஷன் ஹவுஸ்` தயாரிப்பில், ஜுன் மோசஸ் இயக்கத்தில் உருவாகியுள்ள இந்தத் திரைப்படம் ஒரு த்ரில்லர்-காமெடி. இந்தப் படத்தை ஸ்ரீ தேனாண்டாள் பிலிம்ஸ் சுரேஷ் தமிழகம் முழுவதும் வெளியிடுகிறார். ஆகஸ்ட் 29 அன்று வெளியாகவுள்ள இந்தத் திரைப்படத்தின் வெளியீட்டு விழாவில், படக்குழுவினர் பல சுவாரசியமான தகவல்களைப் பகிர்ந்து கொண்டனர்.
படத்தின் சிறப்பம்சங்கள்
இயக்குநர் ஜுன் மோசஸ்:
``இது மற்ற திகில் படங்களில் இருப்பதுபோல ரத்தம், வன்முறை போன்ற காட்சிகள் இல்லாமல், குழந்தைகள் கூடக் குடும்பத்துடன் சேர்ந்து ரசிக்கும்படியான குதூகலமான த்ரில்லர் படமாக இருக்கும்'' என்று கூறினார். மேலும், படத்தில் 8 நிமிடங்களுக்கு V.R. மோஷன் தொழில்நுட்பம் பயன்படுத்தப்பட்டுள்ளது. இது ரசிகர்களைக் கவரும் என்றும், புதுமையான திரைக்கதை, கதை சொல்லும் விதம் மற்றும் தொழில்நுட்பம் ஆகியவற்றில் புதிய முயற்சிகள் மேற்கொள்ளப்பட்டிருப்பதாகவும் அவர் தெரிவித்தார்.
நடிகர் வினோத்:
தான் ஒரு தனியார் நிறுவன ஊழியராக 22 ஆண்டுகள் பணியாற்றியதாகவும், ஆனால் சினிமாவில் ஒரே ஆண்டில் பல விஷயங்களைக் கற்றுக்கொண்டதாகவும் கூறினார். இசையமைப்பாளர்களான சபேஷ்-முரளி `வாலி` படத்துக்கு இசையமைத்ததிலிருந்து தனக்குப் பிடித்தவர்கள் என்றும், அவர்கள் இந்த நிகழ்ச்சிக்கு வந்தது மிகுந்த மகிழ்ச்சி அளிப்பதாகவும் அவர் கூறினார்.
சபேஷ்-முரளியின் பாராட்டு:
`பேய் கதை` படத்தின் முன்னோட்டத்தைப் பார்த்தபோது ஒரு புதிய முயற்சி தெரிகிறது என்று குறிப்பிட்ட இசையமைப்பாளர் சபேஷ், போபோ சசியின் பாடல்களில் மெலடி கலந்திருப்பதால் அவை நிச்சயம் பெரிய வெற்றியைப் பெறும் என்று நம்பிக்கை தெரிவித்தார். அதேபோல், இசையமைப்பாளர் முரளி, `பேய் கதை` திரைப்படம் ஹாலிவுட் தரத்தில் இருப்பதாகவும், அதன் இசையும் ஒளிப்பதிவும் சிறப்பாக உள்ளதாகவும் பாராட்டினார்.
நடிகை எலிசபெத் மற்றும் நடிகை ஜீ.வி.மகா ஆகியோரும் இந்த நிகழ்ச்சியில் கலந்துகொண்டு, இது ஒரு நல்ல குடும்ப பொழுதுபோக்குத் திரைப்படம் என்றும், அனைவரும் ஆதரவு தர வேண்டும் என்றும் கேட்டுக்கொண்டனர்.
