LIVE 24 X 7
கரூர் மாவட்டத்தில் கடந்த செப்டம்பர் 27 அன்று நடைபெற்ற கூட்டத்தில் ஏற்பட்ட கூட்ட நெரிசலில் 41 பேர் உயிரிழந்த துயர சம்பவத்தைத் தொடர்ந்து, தமிழக வெற்றிக் கழகத்தின் தலைவர் விஜய்யின் வரவிருக்கும் அடுத்த இரண்டு மக்கள் சந்திப்பு நிகழ்ச்சிகள் தற்காலிகமாக ஒத்திவைக்கப்படுவதாக அக்கட்சியின் தலைமைக்கழகம் இன்று அறிவித்துள்ளது.
தலைமைக் கழகத்தின் அறிவிப்பு
இந்தச் சோகமான சூழலில், கட்சியின் அதிகாரப்பூர்வ எக்ஸ் (X) வலைதளப் பக்கத்தில் இந்த அறிவிப்பு வெளியிடப்பட்டுள்ளது. அதில், "நம் சொந்தங்களை இழந்த வேதனையிலும் வருத்தத்திலும் நாம் இருக்கும் இச்சூழலில், நம் கழகத் தலைவர் அவர்களின் அடுத்த இரண்டு வாரங்களுக்கான மக்கள் சந்திப்பு நிகழ்ச்சி தற்காலிகமாக ஒத்திவைக்கப்படுகிறது. இந்த மக்கள் சந்திப்பு தொடர்பான புதிய விவரங்கள் பின்னர் அறிவிக்கப்படும் என்பதை நம் கழகத் தலைவர் அவர்களின் ஒப்புதலுடன் தெரிவித்துக் கொள்கிறேன்" எனக் குறிப்பிடப்பட்டுள்ளது.
ஒத்திவைக்கப்பட்ட நிகழ்ச்சிகள்
கரூர் சம்பவத்திற்குப் பிறகு, அக்டோபர் 4, 2025 அன்று வேலூர் மற்றும் ராணிப்பேட்டை மாவட்டங்களிலும், அக்டோபர் 11, 2025 அன்று திட்டமிடப்பட்டிருந்த பிற மக்கள் சந்திப்பு நிகழ்ச்சிகளும் ஒத்திவைக்கப்படுவதாக அறிவிக்கப்பட்டுள்ளது. இதற்கான மாற்றுத் தேதிகள் விரைவில் அறிவிக்கப்படும்.
கரூர் துயர சம்பவம் பின்னணி
தமிழக வெற்றிக் கழகத் தலைவர் விஜய் தனது பிரச்சாரச் சுற்றுப்பயணத்தை செப்டம்பர் 13, 2025 அன்று தொடங்கினார். செப்டம்பர் 27 அன்று நாமக்கல் மற்றும் கரூர் மாவட்டங்களில் பிரச்சாரம் மேற்கொண்டபோது, கரூர் மாவட்டத்தில் இரவு 7 மணிக்கு அவர் புறப்பட்டபின் ஏற்பட்ட பயங்கரமான கூட்ட நெரிசலில் சிக்கி 41 பேர் உயிரிழந்தனர். 50-க்கும் மேற்பட்டோர் மருத்துவமனையில் சிகிச்சை பெற்று வருகின்றனர்.
இந்தத் துயர சம்பவம் நாடு முழுவதும் அதிர்வலைகளை ஏற்படுத்திய நிலையில், இதுகுறித்து தனிநபர் விசாரணைக் குழு, பாஜக விசாரணைக் குழு மற்றும் காவல்துறையினரும் விசாரணை மேற்கொண்டு வருகின்றனர். தமிழக வெற்றிக்கழகம் தரப்பில், இந்தச் சம்பவம் குறித்து சிபிஐ விசாரணை கோரி மதுரை உயர்நீதிமன்றக் கிளையில் மனு தாக்கல் செய்யப்பட்டுள்ளது என்பதும் குறிப்பிடத்தக்கது.
தலைமைக் கழகத்தின் அறிவிப்பு
இந்தச் சோகமான சூழலில், கட்சியின் அதிகாரப்பூர்வ எக்ஸ் (X) வலைதளப் பக்கத்தில் இந்த அறிவிப்பு வெளியிடப்பட்டுள்ளது. அதில், "நம் சொந்தங்களை இழந்த வேதனையிலும் வருத்தத்திலும் நாம் இருக்கும் இச்சூழலில், நம் கழகத் தலைவர் அவர்களின் அடுத்த இரண்டு வாரங்களுக்கான மக்கள் சந்திப்பு நிகழ்ச்சி தற்காலிகமாக ஒத்திவைக்கப்படுகிறது. இந்த மக்கள் சந்திப்பு தொடர்பான புதிய விவரங்கள் பின்னர் அறிவிக்கப்படும் என்பதை நம் கழகத் தலைவர் அவர்களின் ஒப்புதலுடன் தெரிவித்துக் கொள்கிறேன்" எனக் குறிப்பிடப்பட்டுள்ளது.
ஒத்திவைக்கப்பட்ட நிகழ்ச்சிகள்
கரூர் சம்பவத்திற்குப் பிறகு, அக்டோபர் 4, 2025 அன்று வேலூர் மற்றும் ராணிப்பேட்டை மாவட்டங்களிலும், அக்டோபர் 11, 2025 அன்று திட்டமிடப்பட்டிருந்த பிற மக்கள் சந்திப்பு நிகழ்ச்சிகளும் ஒத்திவைக்கப்படுவதாக அறிவிக்கப்பட்டுள்ளது. இதற்கான மாற்றுத் தேதிகள் விரைவில் அறிவிக்கப்படும்.
கரூர் துயர சம்பவம் பின்னணி
தமிழக வெற்றிக் கழகத் தலைவர் விஜய் தனது பிரச்சாரச் சுற்றுப்பயணத்தை செப்டம்பர் 13, 2025 அன்று தொடங்கினார். செப்டம்பர் 27 அன்று நாமக்கல் மற்றும் கரூர் மாவட்டங்களில் பிரச்சாரம் மேற்கொண்டபோது, கரூர் மாவட்டத்தில் இரவு 7 மணிக்கு அவர் புறப்பட்டபின் ஏற்பட்ட பயங்கரமான கூட்ட நெரிசலில் சிக்கி 41 பேர் உயிரிழந்தனர். 50-க்கும் மேற்பட்டோர் மருத்துவமனையில் சிகிச்சை பெற்று வருகின்றனர்.
இந்தத் துயர சம்பவம் நாடு முழுவதும் அதிர்வலைகளை ஏற்படுத்திய நிலையில், இதுகுறித்து தனிநபர் விசாரணைக் குழு, பாஜக விசாரணைக் குழு மற்றும் காவல்துறையினரும் விசாரணை மேற்கொண்டு வருகின்றனர். தமிழக வெற்றிக்கழகம் தரப்பில், இந்தச் சம்பவம் குறித்து சிபிஐ விசாரணை கோரி மதுரை உயர்நீதிமன்றக் கிளையில் மனு தாக்கல் செய்யப்பட்டுள்ளது என்பதும் குறிப்பிடத்தக்கது.
