தங்கம் விலையில் மாற்றம் இல்லை.. வெள்ளி விலை குறைவு!

வாரத் தொடக்க நாளான இன்று (டிசம்பர் 8) சென்னையில் தங்கம் விலையில் எவ்வித மாற்றமும் இல்லாமல், ஒரு சவரன் தங்கம் ரூ.96,320-க்கு விற்பனையாகிறது. இருப்பினும், வெள்ளி விலையில் குறைவு ஏற்பட்டுள்ளது.

இன்றைய தங்கம் விலை நிலவரம்

சென்னையில் 22 கேரட் ஆபரணத் தங்கத்தின் விலை இன்று மாற்றமின்றி ஒரு சவரன் ரூ.96,320-க்கும், ஒரு கிராம் ரூ.12,040-க்கும் விற்பனை செய்யப்படுகிறது.

முந்தைய நாள் விலை

நேற்று முன்தினம் (டிசம்பர் 6) தங்கம் விலை கிராமுக்கு ரூ.40-ம், சவரனுக்கு ரூ.320-ம் அதிகரித்து ஒரு கிராம் தங்கம் ரூ.12,040-க்கும், சவரன் ரூ.96,320-க்கும் விற்பனை செய்யப்பட்டது குறிப்பிடத்தக்கது. கடந்த அக்டோபர் மாதம் 17-ந்தேதி ஒரு சவரன் ரூ.97,600 என்ற உச்சத்தை எட்டிய தங்கம் விலை, அதே மாதம் 28-ந்தேதி ரூ.88,600 என்ற நிலைக்கு வந்தது. அதன் பிறகு தங்கம் விலை தொடர்ந்து ஏற்ற, இறக்கத்துடனேயே போக்கு காட்டி வருகிறது.

வெள்ளி விலை குறைவு

வெள்ளி விலையில் இன்று குறைவு ஏற்பட்டுள்ளது. வெள்ளி கிராமுக்கு ரூ.1-ம், கிலோவுக்கு ரூ.1,000-மும் குறைந்து, ஒரு கிராம் ரூ.198-க்கும், ஒரு கிலோ ரூ.1 லட்சத்து 98 ஆயிரத்துக்கும் விற்பனை செய்யப்பட்டு வருகிறது.