மீண்டும் பாலியல் வழக்கில் சிக்கிய யஷ் தயால்.. போக்சோ சட்டத்தில் வழக்கு பதிவு!

ராஜஸ்தானைச் சேர்ந்த 17 வயது சிறுமி ஒருவர் அளித்த புகாரின் அடிப்படையில், “கிரிக்கெட் தொடர்பாக உதவுவதாக நம்பிக்கை அளித்து, கடந்த இரண்டு ஆண்டுகளாக தனக்கு தொடர்ந்து பாலியல் தொல்லை மற்றும் வன்கொடுமை செய்துள்ளார்” எனக் கூறியுள்ளார். இந்த புகாரின் பேரில், யஷ் தயாலுக்கு எதிராக பிள்ளைகள் பாதுகாப்பு சட்டமான போக்சோ (POCSO) சட்டத்தின் கீழ் வழக்குப்பதிவு செய்யப்பட்டுள்ளது.

சிறுமி அளித்த முறைப்பாட்டில், அவர் 17 வயதில் இருந்தபோதிலிருந்து இந்த வன்கொடுமை தொடங்கியது என்றும், மனதளவிலும் உடலளவிலும் பலவந்தமாக பாதிக்கப்பட்டதாகவும் தெரிவித்துள்ளார். தற்போது இந்த விவகாரம் போலீசார் விசாரணையில் உள்ளது.

இதற்கு முன்னரும், உத்தரப்பிரதேசத்தைச் சேர்ந்த மற்றொரு பெண் ஒருவர் யஷ் தயால் மீது பாலியல் தொல்லை மற்றும் பழிவாங்கும் நோக்கில் நடத்தப்பட்ட பயங்கரமான தாக்குதல் தொடர்பாக புகார் அளித்திருந்தது குறிப்பிடத்தக்கது.

இந்த தொடர்ச்சியான புகார்கள் அவரது புகழுக்கும், கிரிக்கெட் வாழ்க்கைக்கும் பெரும் சீர்கேடாக அமைந்துள்ளது. BCCI மற்றும் IPL நிர்வாகம் இந்த விவகாரத்தில் என்ன நடவடிக்கை எடுக்கப்போகிறார்கள் என்பது தெரியவில்லை. விசாரணை நடைபெற்று வரும் நிலையில், யஷ் தயால் கடுமையான சட்ட நடவடிக்கைகளை எதிர்கொள்ளும் வாய்ப்பு அதிகமாக உள்ளதாகவும், போலீஸ் தரப்பில் தெரிவிக்கப்பட்டுள்ளது.