LIVE 24 X 7
கடந்த 2011-ம் ஆண்டு, பாங்க் ஆஃப் பரோடா வங்கியில் ₹3.5 கோடி மோசடி செய்த வழக்கில், முனாவர் கான் என்பவர் முக்கியக் குற்றவாளியாகச் சேர்க்கப்பட்டார். அவர், தனது கூட்டாளிகளுடன் சேர்ந்து, மோசடி, போலி ஆவணங்கள் தயாரித்தல், குற்றச் சதி போன்ற குற்றங்களில் ஈடுபட்டுவிட்டு, உடனடியாகக் குவைத் நாட்டிற்குத் தப்பிச் சென்றார். அவரைத் தேடப்படும் குற்றவாளியாக சிபிஐ அறிவித்திருந்தது.
சர்வதேச போலீஸ் உதவியுடன் கைது
கடந்த 14 ஆண்டுகளாகத் தலைமறைவாக இருந்த முனாவர் கானைத் தேடும் பணியில் சிபிஐ தொடர்ந்து ஈடுபட்டு வந்தது. இந்த நிலையில், அவர் குவைத் நாட்டில் பதுங்கியிருப்பது கண்டறியப்பட்டது. இதையடுத்து, சிபிஐயின் சர்வதேச காவல் ஒத்துழைப்புப் பிரிவு, இன்டர்போல் (Interpol) மூலம் குவைத் அதிகாரிகளைத் தொடர்பு கொண்டு, முனாவர் கானைக் கைது செய்ய நடவடிக்கை எடுத்தது.
சிபிஐ சென்னை பிரிவின் கோரிக்கையின் பேரில், கடந்த 2022-ம் ஆண்டு இன்டர்போல் சார்பில் முனாவர் கான் மீது ரெட் நோட்டீஸ் (Red Notice) வெளியிடப்பட்டது. உலகெங்கிலும் உள்ள காவல் அமைப்புகளுக்கு அனுப்பப்படும் இந்த நோட்டீஸ், தேடப்படும் குற்றவாளிகளை எளிதில் கண்டறிய உதவுகிறது.
ரெட் நோட்டீஸின் அடிப்படையில், குவைத் போலீசார் முனாவர் கானை கைது செய்து, இந்தியாவிடம் ஒப்படைக்க நடவடிக்கை மேற்கொண்டனர். குவைத் காவல்துறையின் பாதுகாப்புடன், அவர் செப்டம்பர் 11, 2025 அன்று ஹைதராபாத் ராஜீவ் காந்தி சர்வதேச விமான நிலையம் வந்தடைந்தார். அங்கு, சிபிஐ சென்னை பிரிவைச் சேர்ந்த சிறப்புப் போலீஸ் குழுவினர் அவரைத் தங்கள் வசம் எடுத்துக்கொண்டனர்.
இந்தியாவில் இன்டர்போலுக்கான தேசிய மையமாகச் செயல்படும் சிபிஐ, கடந்த சில ஆண்டுகளில் இன்டர்போல் உதவியுடன் 130-க்கும் மேற்பட்ட குற்றவாளிகளை வெளிநாடுகளிலிருந்து மீட்டுள்ளது குறிப்பிடத்தக்கது.
சர்வதேச போலீஸ் உதவியுடன் கைது
கடந்த 14 ஆண்டுகளாகத் தலைமறைவாக இருந்த முனாவர் கானைத் தேடும் பணியில் சிபிஐ தொடர்ந்து ஈடுபட்டு வந்தது. இந்த நிலையில், அவர் குவைத் நாட்டில் பதுங்கியிருப்பது கண்டறியப்பட்டது. இதையடுத்து, சிபிஐயின் சர்வதேச காவல் ஒத்துழைப்புப் பிரிவு, இன்டர்போல் (Interpol) மூலம் குவைத் அதிகாரிகளைத் தொடர்பு கொண்டு, முனாவர் கானைக் கைது செய்ய நடவடிக்கை எடுத்தது.
சிபிஐ சென்னை பிரிவின் கோரிக்கையின் பேரில், கடந்த 2022-ம் ஆண்டு இன்டர்போல் சார்பில் முனாவர் கான் மீது ரெட் நோட்டீஸ் (Red Notice) வெளியிடப்பட்டது. உலகெங்கிலும் உள்ள காவல் அமைப்புகளுக்கு அனுப்பப்படும் இந்த நோட்டீஸ், தேடப்படும் குற்றவாளிகளை எளிதில் கண்டறிய உதவுகிறது.
ரெட் நோட்டீஸின் அடிப்படையில், குவைத் போலீசார் முனாவர் கானை கைது செய்து, இந்தியாவிடம் ஒப்படைக்க நடவடிக்கை மேற்கொண்டனர். குவைத் காவல்துறையின் பாதுகாப்புடன், அவர் செப்டம்பர் 11, 2025 அன்று ஹைதராபாத் ராஜீவ் காந்தி சர்வதேச விமான நிலையம் வந்தடைந்தார். அங்கு, சிபிஐ சென்னை பிரிவைச் சேர்ந்த சிறப்புப் போலீஸ் குழுவினர் அவரைத் தங்கள் வசம் எடுத்துக்கொண்டனர்.
இந்தியாவில் இன்டர்போலுக்கான தேசிய மையமாகச் செயல்படும் சிபிஐ, கடந்த சில ஆண்டுகளில் இன்டர்போல் உதவியுடன் 130-க்கும் மேற்பட்ட குற்றவாளிகளை வெளிநாடுகளிலிருந்து மீட்டுள்ளது குறிப்பிடத்தக்கது.
