LIVE 24 X 7
தமிழக சட்டப்பேரவையின் மூன்றாம் நாள் கூட்டத்தொடர் இன்று நடைபெற்று வருகிறது. கூட்டத்தின் தொடக்கத்தில் கேள்வி - பதில் நேரம் முடிந்த பிறகு, கறிக்கோழி விலை உயர்வு மற்றும் விவசாயிகள் சந்திக்கும் பிரச்சனைகள் குறித்து விவாதிக்கக் கோரி அதிமுக உறுப்பினர்கள் கவன ஈர்ப்பு தீர்மானத்தைக் கொண்டு வந்தனர்.
பேரவை தலைவரின் விளக்கம் மற்றும் அதிமுக அமளி
அதிமுக சட்டமன்ற உறுப்பினர்கள், "நேரமில்லா நேரத்தில் இந்தப் பிரச்சனை குறித்து உடனே விவாதிக்க வேண்டும்" என்று வலியுறுத்தினர். இதற்குப் பதிலளித்த சட்டபேரவை தலைவர் அப்பாவு, "நேரமில்லா நேரத்தில் விவாதிக்க வேண்டுமென்றால் அதற்கு முன்னதாகவே அனுமதி பெற்றிருக்க வேண்டும். மேலும், கவன ஈர்ப்பு தீர்மானத்தில் அனைவரும் பேசுவதற்கு அனுமதி வழங்க முடியாது. அமைச்சரிடம் இருந்து பதில் பெறப்பட்ட பிறகே இது விவாதத்திற்கு எடுத்துக் கொள்ளப்படும்" என்று தெரிவித்தார்.
சபாநாயகரின் இந்த விளக்கத்தை ஏற்காத அதிமுக உறுப்பினர்கள், அவையின் மையப் பகுதிக்கு வந்து கோஷமிட்டு அமளியில் ஈடுபட்டனர்.
எடப்பாடி பழனிசாமி கேள்வி
அதிமுக பொதுச்செயலாளரும், எதிர்க்கட்சித் தலைவருமான எடப்பாடி பழனிசாமி எழுந்து, "நாங்கள் விவசாயிகளின் வாழ்வாதாரம் சார்ந்த மிக முக்கியமான பிரச்சனையைத்தான் அவையில் எழுப்ப முயல்கிறோம். மக்கள் பிரச்சனையை விவாதிக்கப் பேரவையில் சில நிமிடங்கள் ஒதுக்குவதில் என்ன சிரமம் இருக்கிறது?" என்று கேள்வி எழுப்பினார்.
முதல்வர் மு.க. ஸ்டாலின் பதில்
எதிர்க்கட்சித் தலைவரின் கேள்விக்குப் பதிலளித்துப் பேசிய முதல்வர் ஸ்டாலின், "அதிமுக கொண்டு வந்துள்ள கவன ஈர்ப்பு தீர்மானத்திற்கான பதில் தயாரிக்கும் பணி நடைபெற்று வருகிறது. நாளை அதிகாரிகளுடன் ஆலோசித்து, உரிய தகவல்களுடன் சம்பந்தப்பட்ட அமைச்சர் விரிவான விளக்கம் அளிப்பார். சட்டப்பேரவை தலைவர் முறைப்படி விளக்கம் அளித்த பிறகும், அவையில் வீண் வாக்குவாதத்தில் ஈடுபடுவது நேரத்தை வீணடிக்கும் செயல்" என்று குறிப்பிட்டார்.
அதிமுக வெளிநடப்பு
முதல்வரின் இந்த விளக்கத்தை ஏற்க மறுத்த எதிர்க்கட்சித் தலைவர் எடப்பாடி பழனிசாமி மற்றும் அதிமுக சட்டமன்ற உறுப்பினர்கள், அவையிலிருந்து வெளிநடப்பு செய்தனர். விவசாயிகள் பிரச்சனையில் அரசு மெத்தனமாகச் செயல்படுவதாகக் குற்றம் சாட்டி அவர்கள் சட்டப்பேரவை வாயிலில் செய்தியாளர்களிடம் தங்கள் கண்டனத்தைத் தெரிவித்தனர்.
பேரவை தலைவரின் விளக்கம் மற்றும் அதிமுக அமளி
அதிமுக சட்டமன்ற உறுப்பினர்கள், "நேரமில்லா நேரத்தில் இந்தப் பிரச்சனை குறித்து உடனே விவாதிக்க வேண்டும்" என்று வலியுறுத்தினர். இதற்குப் பதிலளித்த சட்டபேரவை தலைவர் அப்பாவு, "நேரமில்லா நேரத்தில் விவாதிக்க வேண்டுமென்றால் அதற்கு முன்னதாகவே அனுமதி பெற்றிருக்க வேண்டும். மேலும், கவன ஈர்ப்பு தீர்மானத்தில் அனைவரும் பேசுவதற்கு அனுமதி வழங்க முடியாது. அமைச்சரிடம் இருந்து பதில் பெறப்பட்ட பிறகே இது விவாதத்திற்கு எடுத்துக் கொள்ளப்படும்" என்று தெரிவித்தார்.
சபாநாயகரின் இந்த விளக்கத்தை ஏற்காத அதிமுக உறுப்பினர்கள், அவையின் மையப் பகுதிக்கு வந்து கோஷமிட்டு அமளியில் ஈடுபட்டனர்.
எடப்பாடி பழனிசாமி கேள்வி
அதிமுக பொதுச்செயலாளரும், எதிர்க்கட்சித் தலைவருமான எடப்பாடி பழனிசாமி எழுந்து, "நாங்கள் விவசாயிகளின் வாழ்வாதாரம் சார்ந்த மிக முக்கியமான பிரச்சனையைத்தான் அவையில் எழுப்ப முயல்கிறோம். மக்கள் பிரச்சனையை விவாதிக்கப் பேரவையில் சில நிமிடங்கள் ஒதுக்குவதில் என்ன சிரமம் இருக்கிறது?" என்று கேள்வி எழுப்பினார்.
முதல்வர் மு.க. ஸ்டாலின் பதில்
எதிர்க்கட்சித் தலைவரின் கேள்விக்குப் பதிலளித்துப் பேசிய முதல்வர் ஸ்டாலின், "அதிமுக கொண்டு வந்துள்ள கவன ஈர்ப்பு தீர்மானத்திற்கான பதில் தயாரிக்கும் பணி நடைபெற்று வருகிறது. நாளை அதிகாரிகளுடன் ஆலோசித்து, உரிய தகவல்களுடன் சம்பந்தப்பட்ட அமைச்சர் விரிவான விளக்கம் அளிப்பார். சட்டப்பேரவை தலைவர் முறைப்படி விளக்கம் அளித்த பிறகும், அவையில் வீண் வாக்குவாதத்தில் ஈடுபடுவது நேரத்தை வீணடிக்கும் செயல்" என்று குறிப்பிட்டார்.
அதிமுக வெளிநடப்பு
முதல்வரின் இந்த விளக்கத்தை ஏற்க மறுத்த எதிர்க்கட்சித் தலைவர் எடப்பாடி பழனிசாமி மற்றும் அதிமுக சட்டமன்ற உறுப்பினர்கள், அவையிலிருந்து வெளிநடப்பு செய்தனர். விவசாயிகள் பிரச்சனையில் அரசு மெத்தனமாகச் செயல்படுவதாகக் குற்றம் சாட்டி அவர்கள் சட்டப்பேரவை வாயிலில் செய்தியாளர்களிடம் தங்கள் கண்டனத்தைத் தெரிவித்தனர்.
