LIVE 24 X 7
கோவளத்தில் நடைபெற்று வரும் தென் மாநில முதலமைச்சர்கள் மற்றும் உயர் அதிகாரிகள் பங்கேற்ற மாநாட்டில், கர்நாடக முதலமைச்சர் டி.கே.சிவக்குமார் முன்வைத்த மேகதாது அணை திட்டம் தமிழ்நாடு அரசியலில் மீண்டும் பரபரப்பை ஏற்படுத்தியுள்ளது.
தென் மாநிலங்களுக்கிடையே ஒருங்கிணைப்பு, வளர்ச்சி மற்றும் மாநிலங்களுக்கு இடையேயான பிரச்சினைகள் குறித்து விவாதிக்கப்பட்ட இந்த மாநாட்டில் பேசிய டி.கே.சிவக்குமார், காவிரி ஆற்றின் குறுக்கே மேகதாது பகுதியில் அணை கட்டுவதன் அவசியத்தை வலியுறுத்தினார்.
மேகதாதுவில் அணை கட்டப்பட்டால் காவிரி நீரை அதிக அளவில் சேமித்து வைக்க முடியும் என்றும், இதன் மூலம் தமிழ்நாடு மற்றும் கர்நாடகா ஆகிய இரு மாநிலங்களும் பயனடைய முடியும் என்றும் அவர் தெரிவித்தார். குறிப்பாக, மழைக்காலங்களில் காவிரியில் வரும் உபரிநீர் கடலில் கலந்து வீணாகி வருவதாகவும், அந்த நீரை சேமித்து வைத்து வறட்சி உள்ளிட்ட நெருக்கடியான காலங்களில் பயன்படுத்த முடியும் என்றும் அவர் கூறினார்.
மாநாட்டில் மாநிலங்களுக்கு இடையேயான நதிநீர் பிரச்சினைகள் மோதலாக பார்க்கப்படாமல், பரஸ்பர ஒத்துழைப்புடன் அணுகப்பட வேண்டும் என்றும் டி.கே.சிவக்குமார் வலியுறுத்தினார். “தண்ணீர் நம்மை ஒன்று சேர்க்க வேண்டும்; பிரித்து விடக்கூடாது” என்ற அவரது கருத்து கவனம் பெற்றுள்ளது.
அதேபோல், மாநிலங்களுக்கு வழங்கப்படும் வரிப்பங்கில் நியாயமான பங்கீடு இருக்க வேண்டும் என்ற கோரிக்கையையும் கர்நாடகா தரப்பில் அவர் முன்வைத்தார். இதன் மூலம் தென் மாநிலங்களின் உரிமைகள் மற்றும் மாநிலங்களுக்கிடையேயான நிதி, நீர்வளப் பகிர்வு தொடர்பான விவகாரங்களையும் ஒரே மேடையில் முன்னிறுத்தியுள்ளார்.
ஆனால், மேகதாது அணை விவகாரம் தமிழ்நாட்டிற்கு மிகவும் முக்கியமான காவிரி நீர் உரிமை பிரச்சினையாக இருந்து வருகிறது. மேகதாதுவில் அணை கட்டும் கர்நாடகாவின் முயற்சிக்கு தமிழ்நாடு தொடர்ந்து எதிர்ப்பு தெரிவித்து வரும் நிலையில், தமிழ்நாடு முதலமைச்சர் விஜய் பங்கேற்றிருந்த மாநாட்டிலேயே கர்நாடக முதலமைச்சர் இந்த விவகாரத்தை வெளிப்படையாக முன்வைத்திருப்பது அரசியல் முக்கியத்துவம் பெற்றுள்ளது.
கர்நாடக தரப்பின் இந்த வலியுறுத்தலுக்கு தமிழ்நாடு முதலமைச்சர் விஜய் தரப்பில் இருந்து உடனடியாக எந்தவொரு வெளிப்படையான எதிர்வினையும் வெளியாகவில்லை. இதனால், காவிரி நீர் உரிமை மற்றும் மேகதாது அணை விவகாரத்தில் விஜய் தலைமையிலான தமிழ்நாடு அரசின் நிலைப்பாடு என்ன என்ற கேள்வி அரசியல் வட்டாரங்களில் எழுந்துள்ளது.
தென் மாநிலங்களின் ஒற்றுமை மற்றும் ஒருங்கிணைப்பு குறித்து விவாதிக்கப்பட்ட மாநாட்டில், இரு மாநிலங்களுக்கும் இடையே நீண்டகாலமாக நீடித்து வரும் காவிரி விவகாரம் மீண்டும் முக்கியத்துவம் பெற்றுள்ளதால், அடுத்தகட்டமாக தமிழ்நாடு அரசு எத்தகைய நிலைப்பாட்டை வெளிப்படுத்தும் என்பது எதிர்பார்ப்பை ஏற்படுத்தியுள்ளது.
தமிழ்நாட்டின் காவிரி உரிமை, மேகதாது அணை திட்டம் மற்றும் கர்நாடகாவின் நீர்வளத் திட்டங்கள் தொடர்பான விவாதம் மீண்டும் தீவிரமடையும் சூழல் உருவாகியுள்ளதால், இந்த விவகாரம் தமிழ்நாடு அரசியலில் அடுத்தடுத்த நாட்களில் முக்கிய பேசுபொருளாக மாற வாய்ப்புள்ளது.
தென் மாநிலங்களுக்கிடையே ஒருங்கிணைப்பு, வளர்ச்சி மற்றும் மாநிலங்களுக்கு இடையேயான பிரச்சினைகள் குறித்து விவாதிக்கப்பட்ட இந்த மாநாட்டில் பேசிய டி.கே.சிவக்குமார், காவிரி ஆற்றின் குறுக்கே மேகதாது பகுதியில் அணை கட்டுவதன் அவசியத்தை வலியுறுத்தினார்.
மேகதாதுவில் அணை கட்டப்பட்டால் காவிரி நீரை அதிக அளவில் சேமித்து வைக்க முடியும் என்றும், இதன் மூலம் தமிழ்நாடு மற்றும் கர்நாடகா ஆகிய இரு மாநிலங்களும் பயனடைய முடியும் என்றும் அவர் தெரிவித்தார். குறிப்பாக, மழைக்காலங்களில் காவிரியில் வரும் உபரிநீர் கடலில் கலந்து வீணாகி வருவதாகவும், அந்த நீரை சேமித்து வைத்து வறட்சி உள்ளிட்ட நெருக்கடியான காலங்களில் பயன்படுத்த முடியும் என்றும் அவர் கூறினார்.
மாநாட்டில் மாநிலங்களுக்கு இடையேயான நதிநீர் பிரச்சினைகள் மோதலாக பார்க்கப்படாமல், பரஸ்பர ஒத்துழைப்புடன் அணுகப்பட வேண்டும் என்றும் டி.கே.சிவக்குமார் வலியுறுத்தினார். “தண்ணீர் நம்மை ஒன்று சேர்க்க வேண்டும்; பிரித்து விடக்கூடாது” என்ற அவரது கருத்து கவனம் பெற்றுள்ளது.
அதேபோல், மாநிலங்களுக்கு வழங்கப்படும் வரிப்பங்கில் நியாயமான பங்கீடு இருக்க வேண்டும் என்ற கோரிக்கையையும் கர்நாடகா தரப்பில் அவர் முன்வைத்தார். இதன் மூலம் தென் மாநிலங்களின் உரிமைகள் மற்றும் மாநிலங்களுக்கிடையேயான நிதி, நீர்வளப் பகிர்வு தொடர்பான விவகாரங்களையும் ஒரே மேடையில் முன்னிறுத்தியுள்ளார்.
ஆனால், மேகதாது அணை விவகாரம் தமிழ்நாட்டிற்கு மிகவும் முக்கியமான காவிரி நீர் உரிமை பிரச்சினையாக இருந்து வருகிறது. மேகதாதுவில் அணை கட்டும் கர்நாடகாவின் முயற்சிக்கு தமிழ்நாடு தொடர்ந்து எதிர்ப்பு தெரிவித்து வரும் நிலையில், தமிழ்நாடு முதலமைச்சர் விஜய் பங்கேற்றிருந்த மாநாட்டிலேயே கர்நாடக முதலமைச்சர் இந்த விவகாரத்தை வெளிப்படையாக முன்வைத்திருப்பது அரசியல் முக்கியத்துவம் பெற்றுள்ளது.
கர்நாடக தரப்பின் இந்த வலியுறுத்தலுக்கு தமிழ்நாடு முதலமைச்சர் விஜய் தரப்பில் இருந்து உடனடியாக எந்தவொரு வெளிப்படையான எதிர்வினையும் வெளியாகவில்லை. இதனால், காவிரி நீர் உரிமை மற்றும் மேகதாது அணை விவகாரத்தில் விஜய் தலைமையிலான தமிழ்நாடு அரசின் நிலைப்பாடு என்ன என்ற கேள்வி அரசியல் வட்டாரங்களில் எழுந்துள்ளது.
தென் மாநிலங்களின் ஒற்றுமை மற்றும் ஒருங்கிணைப்பு குறித்து விவாதிக்கப்பட்ட மாநாட்டில், இரு மாநிலங்களுக்கும் இடையே நீண்டகாலமாக நீடித்து வரும் காவிரி விவகாரம் மீண்டும் முக்கியத்துவம் பெற்றுள்ளதால், அடுத்தகட்டமாக தமிழ்நாடு அரசு எத்தகைய நிலைப்பாட்டை வெளிப்படுத்தும் என்பது எதிர்பார்ப்பை ஏற்படுத்தியுள்ளது.
தமிழ்நாட்டின் காவிரி உரிமை, மேகதாது அணை திட்டம் மற்றும் கர்நாடகாவின் நீர்வளத் திட்டங்கள் தொடர்பான விவாதம் மீண்டும் தீவிரமடையும் சூழல் உருவாகியுள்ளதால், இந்த விவகாரம் தமிழ்நாடு அரசியலில் அடுத்தடுத்த நாட்களில் முக்கிய பேசுபொருளாக மாற வாய்ப்புள்ளது.
