கூட்ட நெரிசலை கட்டுப்படுத்த தவறினால் 3 ஆண்டுகள் சிறை!

பெங்களூருவில் RCB வெற்றிக் கொண்டாட்டத்தின் போது ஏற்பட்ட கூட்ட நெரிசலில் 11 பேர் உயிரிழந்ததைத் தொடர்ந்து, இதுபோன்று மீண்டும் நிகழாதிருக்க கர்நாடக அரசு புதிய சட்டத்தை கொண்டு வர திட்டமிட்டுள்ளது. இதன்படி, விழாக்கள், பொதுக்கூட்டங்கள் மற்றும் நிகழ்ச்சிகளை நடத்தி அதில் கூட்ட நெரிசல் ஏற்படுத்தும் நிகழ்வுகளுக்கு ஏற்பாட்டாளர்களே நேரடியாக பொறுப்பேற்க வேண்டும் என்ற கடுமையான நடைமுறை அமலாக்கப்படும் என்று தெரிவிக்கப்பட்டுள்ளது.

இந்த சட்ட முன்வடிவில், கூட்ட நெரிசலை கட்டுப்படுத்த தவறினால் குறைந்தபட்சம் மூன்று ஆண்டுகள் வரை சிறை தண்டனை விதிக்கப்படும் என்றும், இது மத விழாக்கள், அரசியல் கூட்டங்கள், பொது நிகழ்ச்சிகள் அனைத்துக்கும் பொருந்தும் எனவும் கூறப்பட்டுள்ளது. இதனுடன், பாதுகாப்பு முன்திட்டம், அரசு அனுமதி அவசியமாக்கப்பட்டுள்ளது.

மாநிலத்தின் உள்துறைத் துறைசெயலாளர் தலைமையில் உருவாக்கப்பட்ட குழு இந்த சட்ட திட்டத்தை விரைவில் சட்டப்பேரவையில் முன்வைக்கவுள்ளதாக அதிகாரப்பூர்வ தகவல்கள் தெரிவிக்கின்றன.

கர்நாடக அரசு இந்த நடவடிக்கையை, பொதுமக்களின் உயிர் பாதுகாப்பே முதன்மை என்ற நோக்கத்துடன் எடுத்து வருகின்றது. நிகழ்வுகளுக்கான அனுமதி முறையை கடுமையாக மாற்றி, பாதுகாப்பு ஏற்பாடுகள் சரிபார்க்கப்பட்ட பின் மட்டுமே அனுமதி வழங்கும் நடைமுறையும் அமலாக்கப்படவுள்ளது. இதனால், எதிர்காலத்தில் முன் ஏற்பாடில்லாத கூட்ட நெரிசல் காரணமாக நிகழும் உயிரிழப்புகளை தவிர்க்க முடியும் என கர்நாடக அரசு நம்பிக்கை தெரிவித்துள்ளது.